Gàrraidhean na ceàrdaich

Tha gàrraidhean cloiche nam prìomh chomharra de dhealbh-tìre na Comraich. An toiseach cudromach airson stoc a chumail a-staigh, bha gàrraidhean cloiche nan crìochan air achaidhean far nach b’ urrainn callaidean a chur suas air sgàth fearann creagach, aimsir is talamh staoin.

 

An-diugh sa Chomraich tha na gàrraidhean sin fhathast gan cleachdadh mar chrìochan achaidhean , ach tha pàirt cudromach aca cuideachd ann an glèidhteachas fiadh-bheatha , gu h-àraidh mar dhachaighean dha mamalan beaga is fiolain, Ach, mar a tha fìor mun mhòr-chuid de ghàrraidhean na h-Alba, tha iad tric ann an droch staid , air am milleadh le obair chraobhan, stuic is stoirmean, agus le togail nuadh ròidean. Tha am pìos gàrraidh a tha a’ ruith an cois Coille na Ceàrdaich bho inntrigeadh Na Comraich (cliath a’ chruidh) gun bhùth (1150m iomlan de ghàrradh) na phrìomh chomharra de dhealbh-tìre na Comraich. Tha e a’ cuairteachadh an rathaid shingilte gun Bhàgh agus na phàirt sònraichte de nàdar na sgìre.

 

Tha am pròiseact seo a’ toirt cothrom am balla 1150m seo a chàradh is a dhaingneachadh – a’ toirt a-steach 162 m de chàradh, agus 30m de ath-thogail (far a bheil ballachan air tuiteam). Tha am pròiseact a’ toirt a-steach clachan ùra far a bheil sin riatanach – ged is e ath-thogail le na clachan a th’ ann a tha sa mhòr chuid den obair. Thèid an obair a ghabhail os làimh le togalaiche gàrraidh proifeiseanta, ag obair le sgioba bhon choimhearsnachd ionadail.