Ronan Martin Associates.

A’ Chomraich, an-dè is an-diugh

Tha dualchas beairteach cultarach is togte aig rubha na Comraich a tha a’ dol air ais 8,000 bliadhna gu àm nuair a bha cuid de luchd-còmhnaidh Mesolithic a’ tighinn a ghabhail còmhnaidh ann am fasgadh creige ann an Sannda. Anns a’ mhìle bliadhna an dèidh sin, dh’fhàg luchd-tuineachaidh tràth eile an lorgan cultarach fhèin. Dhiubh sin, ‘s dòcha gur e dùn na Comraich bho Linn an Iarainn (ca. 200AC), an rud as follaisiche.
 
B’ e tighinn a’ mhanaich Èireannaich, Mhaol Rubha, ann an 673AC agus cruthachadh an tuineachaidh Chrìosdaidh is a’ mhanachainn ann an Clachan, an rud bu chudromaiche bho thaobh dualchas cràbhaidh an rubha.  Bha seo na thòiseachadh dhan Chomraich mar thèarmann, no comraich is b’ e seo a thug ainm don sgìre. Bhiodh cuid de luchd-còmhnaidh shàraichte na sgìre a’ tighinn an seo a lorg dìdean ann an àm èiginn sna linntean an dèidh seo.
 
Sa Chomraich, mar ann an àiteachan eile air Gàidhealtachd na h-Alba, chaidh coimhearsnachdan fhalamhachadh ri linn Fuadach nan Gàidheal agus airson ceudan bhliadhnaichean bha a’ chuid mhòr den talamh fo shealbh uachdarain mhòra chumhachdach. B’ e an t-uachdaran mu dheireadh a stèidhich Urras na Comraich ann an 1975.
 
Tha dualchas làidir Gàidhlig san sgìre agus ionannachd làidir. Gu ìre, ‘s e cho iomallach ‘s a tha an sgìre as coireach ri seo, le bealach beinne, Bealach nam Bà, na prìomh shlighe thar dùthcha a-steach, bho tràth san 19mh linn gus an deach an rathad air a’ chosta a tuath a chrìochnachadh ann an 1976.
 
An-diugh tha a’ Chomraich na dachaigh do choimhearsnachd bheòthail de bhailtean croitearachd. Ach chan eil comharran mu eachdraich iongantach na sgìre fada air falbh aig àm sam bith. Tha seo a’ dèanamh na Comraich na àite iongantach airson tadhal ann.
 
‘S e Comann Eachdraidh na Comraich, a dheasaich Sgrùdadh Cultarach den rubha mar phàirt de Sgeama Compàirteachas an Deilbh-tìre,  an t-àite as fheàrr airson stuthan a lorg mu eachdraidh is cultar na sgìre.Gheibhear an t-sàr chunntas foghlamach seo le fiosrachadh air eachdraidh na sgìre, airson a leughadh san earrainn Luchdachaidhean air an làraich-lìn seo. ‘S e an Comann Eachdraidh a tha a’ riaghladh an Ionaid Dualchais aig ceann a tuath Bàgh na Comraich, agus tha a thaisbeanadh is a sheirbheis shloinntearachd nan deagh fhèin-fhiosrachadh dha neach sam bith aig a bheil ùidh ann an eachdraidh chultarach na Comraich.
  DACHAIGH  
  CUAIRTEAN  
  DÈ THA DOL  
  FIOS GU  
Ag adhartachadh dualchas
beairteach, fiadh-bheatha & cultar
Taobh Siar na Gàidhealtachd
ENGLISH | GÀIDHLIG

This content comes from a hidden element on this page.

The inline option preserves bound JavaScript events and changes, and it puts the content back where it came from when it is closed.

If you try to open a new Colorbox while it is already open, it will update itself with the new content.