Ronan Martin Associates.
<-- air ais gu Sluagh is Àitean

Pròiseact nan Ainmean-àitean


Nì am pròiseact seo, a th’ air a stiùireadh le Comann Eachdraidh na Comraich, rannsachadh is clàradh air ainmean-àitean rubha na Comraich (a’ cruthachadh stòr-dàta so-rannsachail) agus bheir e cothrom dha luchd-tadhail is muinntir na sgìre am fiosrachadh fhaighinn.

Tha ainmean-àitean nan goireas fiosrachaidh luachmhor. Innsidh iad mòran mu eachdraidh, cruinn-eòlas is sluagh àite. Tha a’ chuid mhòr de ainmean-àitean na Comraich a’ foillseachadh dualchas Gàidhlig is Lochlannach an àite, aig aon uair bha ainm fhèin aig gach cloich, creig is lag.

‘S e goireas cugallach a th’ anns na clàraidhean beòil sin. Tha fios aig Comann Eachdraidh na Comraich gun bhàsaich mòran de na h-eòlaichean ionadail aig an robh fios is ainm dha gach comharra air rubha na Comraich, mus d’ fhuaras air an stòras seo de dh’eòlas ionadail a chlàradh. Ach tha mòran fiosrachaidh ri fhaighinn fhathast agus tha e a-nis deatamach gun tèid seo a chlàradh mus tèid a chall gu bràth.

Tha Comann Eachdraidh na Comraich ag amas air stòr-dàta so-rannsachail de dh’ainmean-àitean a chruthachadh (a’ daingneachadh an eòlais a th’ ann agus rannsachadh/ sgrìobhainnean le rannsachadh leantainneach) agus am fiosrachadh seo a dhèanamh faotainneach is ruigsinneach dha muinntir na sgìre is luchd-tadhail. Thèid am fiosrachadh a thaisbeanadh ann an cruth mapaichean mòra mìneachail de dh’ainmean-àitean (a thèid an taisbeanadh san Ionad Dualchais) agus CD a gheibhear bhon Ionad Dualchais. Dheigheadh am fiosrachadh cuideachd a chur an lùib nan tasglannan didseatach (mar phàirt de na fillidhean mapa.)

Bidh Bun-sgoil na Comraich cuideachd a’ gabhail pàirt ann am pròiseact nan ainmean-àitean. Gabhaidh iad pròiseact os làimh fo stiùireadh an tidseir aca agus le taic bho Comann Eachdraidh na Comraich. Nì sgoilearan agallamhan le daoine às an sgìre (gu h-àraidh le seann dhaoine na coimhearsnachd) mu na h-ainmean-àitean sa Chomraich air a bheil cuimhne aca agus mu ciall nan ainmean. Thèid na h-agallamhan a chlàradh air bhideo (le na sgoilearan fhèin), mar dhìleab a’ phròiseict agus gheibhear iad air-loidhne mar phàirt den fhiosrachadh air ainmean-àitean air an làraich-lìn. Rannsaichidh sgoilearan cuideachd ainmean-àitean ionadail airson am biadhadh a-steach dhan stòr-dàta, tadhailidh iad air làraichean ainmean-àitean, agus clàraidh iad na h-àitean le dealbhan-camara, bhideo, suidheachadh GPS agus dealbhan-làimhe. Thèid am fiosrachadh, na dealbhan is na beachdan aca a bhiadhadh a-steach dha na stuthan airson na làraich-lìn agus an CD-ROM.

<-- air ais gu Sluagh is Àitean
  DACHAIGH  
  CUAIRTEAN  
  DÈ THA DOL  
  FIOS GU  
Ag adhartachadh dualchas
beairteach, fiadh-bheatha & cultar
Taobh Siar na Gàidhealtachd
ENGLISH | GÀIDHLIG

This content comes from a hidden element on this page.

The inline option preserves bound JavaScript events and changes, and it puts the content back where it came from when it is closed.

If you try to open a new Colorbox while it is already open, it will update itself with the new content.