Ronan Martin Associates.
<-- air ais gu Adhradh & Adhlacadh

An Tobar Choisrigte

Tha am pròiseact seo a’ cuimseachadh air ath-leasachadh is mion-sgrùdadh a dhèanamh air tobar (le ceuman cloiche is liagh òil)a tha suidhichte ri taobh an rathaid timcheall air Bàgh na Comraich. Tha i air a h-ainmeachadh mar ‘ Strùpan a’ bhile’. Tha beul-aithris is eachdraidh bheòil air a comharrachadh mar Tobar Choisrigte bho àm Mhaol Rubha agus a thuineachadh manachainneach a chaidh a stèidheachadh ann an AC 673.

Chan eil mòran sgrìobhte mu eachdraidh na Tobrach Coisrigte ach tha fios, nuair a chaidh an rathad timcheall air Bàgh na Comraich a thogail o chionn dà cheud bliadhna, gun deach an t-allt a tha a’ tighinn a-mach à slios na beinne mu fhichead meatair gun ear, a stiùireadh fon rathad ann an saibhear cloiche gus sileadh a-mach thairis air leac cloiche agus gun robh ceuman cloiche a’ dol suas air gach taobh gun fhosgladh seo. Aig an aon àm chaidh tanca a thogail le breicichean is leac de chlach Ghallaibh ga chòmhdach faisg air an àite far a bheil an t-allt a’ tighinn a-mach às a’ chnoc  agus le pìob luaidhe a’ falbh bhon seo gu dìreach ri taobh an fhosglaidh fon rathad.

Tha droch bhuaidh air a bhith aig dìgean rathaid (le dìg ùr drèanaidh a’ cur uisge salach dhan tobar faisg air far a bheil ea’ dol dhan t-saibhear).Tha seo air a’ bhùrn a dhèanamh cunnartach airson òl (tha nuadh thaistealaich creideimh an latha an-diugh dèidheil air an àite is iad airson am bùrn òl). Tha an liagh òil cuideachd air meirgeadh. Tha an tobar uachdrach cuairtichte le raineach is craobhan leagte is tha e doirbh faighinn thuice.

Tha am pròiseact a’ gabhail a-steach rannsachadh air an làraich, càradh is cumail suas agus a’ dèanamh mion-sgrùdadh air an àite air an làraich fhèin agus air-loidhne.

<-- air ais gu Adhradh & Adhlacadh
  DACHAIGH  
  CUAIRTEAN  
  DÈ THA DOL  
  FIOS GU  
Ag adhartachadh dualchas
beairteach, fiadh-bheatha & cultar
Taobh Siar na Gàidhealtachd
ENGLISH | GÀIDHLIG

This content comes from a hidden element on this page.

The inline option preserves bound JavaScript events and changes, and it puts the content back where it came from when it is closed.

If you try to open a new Colorbox while it is already open, it will update itself with the new content.